Kecek 5: Hile

Kalu sek mung nok tau bakpo lamo hiatus, ambo sebenarnyo masuk spital haritu. Mengalami kecederaan berat di otok – writer’s block. Banyok bendo nok tulih tapi dokhau nok start nnulih lagumano.

Lalu antaro solusi bagi kecederaan serius ni adalah dgn menulih dale thinking language kito. Thinking language bagi ambo, tak lain tak bukei, ialah kelate. Justeru ambo dok hile lagi – hanyo nyawo nyawo ike.

Kali ni beraso nok beghoyak ceghito ttg arwoh moye ambo.

Namo sebenar dok ssoho, dan dikenali ramai sebagai Mek Aji Joh. Anok cucu cicit arwoh ramai. Kalu buat make2 bukok poso di rumoh mek, nescayo melimpoh ruoh anok beranok sapa ttanoh. Tu pun dok kiro hok tak kelik rayo klate lagi. Dan ambo cicit arwoh hok keduo paling tuo.

Mek Aji kuat beramal. Smaye poso dok tinggal sehinggo lah ke waktu arwoh uzur benar. Maso arwoh uzur, ramai anok cucu maghi nnawak tapi arwoh dok brapo nok ingat dok brapo nok dengar. Nok bangun duduk pun payoh. Di sebalik segalo keuzuran mek, mek tetaplah mulutnyo basoh nge zikir berbuat amal.

Bule poso tahun lepas, lebih terzahir kecintaan mek pado Allah robbuljalil. Bilo mek bangun pagi waktu dhuha, mek nanok nasik nge semaye subuh! Lalu masuk tidur semula. Bilo terbangun, dikerohnyo segalo anggota untuk amik wuduk dan semaye. Katonyo semaye subuh tapi hari nok gelap doh.

Begitulah mek. Asal bangun dari tidur, semaye baco quran meratib. Pah tidur semula. Waktu pagi pete sie male sudoh takdok makno dale kamus hidup mek. Hok difikirnyo hanyolah beramal ibadat, berkhidmat untuk suami mek.

Persoale untuk kito hok masih hidup hok masih mudo remajo ni – acu pikir lagumano ore tuo hok uzur buleh istiqomah sapa ke staro tuh? Teringat kito ke ceghito arwoh Nik Aziz sebelum kematian arwoh. Betapo selepas terbangun dari koma di spital Kota Bharu, perkaro pertamo hok arwoh tok guru mitok ialah mitok tulung khidmat amik wudhu dan semaye.

Ore-ore tuo uzur ni takdok nok pikir bendo lain doh - kalu buleh nok mati dale smaye.

Betapo istimewonyo mereko di mato Tuhe. Tidoklah serupo denge ore uzur lain hok kito napok hok kijonyo duk bleber duk ingat ke makei ke harto ssako sajo. Kito pohonlah pado Allah agar tidok nanar tidok lalai di hari tuo kito nanti amiinn.

Berbalik kepado persoale lagumano waliyullah ni buleh istiqamoh pah ke tuo (?), jawabnyo hanyo satu yakni kerano beramalnyo mereko di hari mudo. Acu fikir, kalu kito jenih smaye ikut dea tiko mudo, raso-raso buleh kow kito otometik beruboh di hari tuo? Jawabnyo tidok. Kito di hari tuo ni adaloh result kito di hari mudo. Ibarat kato pepatoh, melentur buluh biarlah dari rebungnya.

Apabilo mati, maghilah ore berderu-deru. Hok dekat maghi hok jauh di Jjohor pun pakat pecut keto kelik. Hok pepuan penuh atas rumoh, hok jate penuh di ttanoh sehinggo ke sebere tembok. Ado hok bbua nanyo kaba ‘lamo doh dok napok’, ado hok duk nnengu.

Sapa-sapa jah, terus ambo so family naik atas rumoh. Bau tawah semerbok. Sesekali bunyi ore triyok teresok-esok. Ambo selok tabir, lalu napoklah mek siap-siap doh nok bertemu Allah dale pakaye hok seadonyo putih bersih. Muko mek berseri-seri – ado nur ketenange hok terpancar dari wajoh mek – suatu tando suatu alamat bagi ore hok berfikir. Ambo pege tange mek, sejuk, disiumlah pipi mek dan di dahi. Berpeluh dahi mek basoh tando ore husnulkhotimah. Sebok begitu teraso, lalu dibacolah disedekoh surat yasin, denge harape ado pahalo dialir kepado arwoh.

Harape ambo untuk mek tengok isteri ambo pulok tidoklah kesampaye. Teringatlah pulok pese mek suatu maso dulu supayo dicari ore beragamo hok dekat2 jah. “Payoh mek nok bbese ore jauh,” seloro mek, dulu.

Dulu, mek lah penyatu anok beranok. Dengan sebab adanyo mek, kenallah kito ke moye sedaro, tok-tok sedaro, anok cucu alik moye sedaro, anok cucu alik tok sedaro, sehinggo ke biras bese. Besar keluargo kito, berkat solehnyo hidup mek. Loni tinggallah ayoh haji seore menjadi penyatu ratuse ribue anok beranok. Takdok ayoh haji pulok nati, entoh masih erat ke dok tali silaturahim kito nati.

Buat anok cucu cicit Mek Aji Ayoh Aji hok terbaco sedikit kisoh moye kito ni, maghilah muhasaboh;

1) hidup hanyolah persinggahe. Ore loni kato RnR. Sifatnyo fana’ dan smeta.

2) Selepas sedar hakikat hidup, berlumbo-lumbolah kito berbuat amal.

3)Seperti misalnyo hidup mek, didiklah zuriat kito denge agamo. Anok cucu kitolah hok jadi saham dunio akhirot, menjago maso tuo, mendoakan kito selepas mati.

Wallahualam.

Alfatihah.