Kecek 3; Abah

Assalamualaikum blako-blako. 

me and abah at sri lanka. lol random

Jadinyo, kali ni ambo braso nok nnulih pasa abah. Lamo doh dok nnulih ni.. nok dekat sebulae doh.. jadi bilo lamo dok nnulih, dio tibo2 jadi awkward srupo xdok idea nok nnulih begapo… huhu~ even though this might sounds weird and absurd, kalu nnulih dale mindset kecek klate, dio jadi mudoh. Tapi kalu nok nnulih dale mindset laras bahasa melayu tinggi or english, dio jadi payoh bedo'oh. Bekali malah hau… hoho.

Maso birthday abah baru ni, ambo update status di fb lah konon2 nok bajet sweet, wahahha. Tapi abah dok reply pom… abah sengih2 jah belae2 suko. Haha abah meme lagotu. tok kecek banyok mano… tapi bilo abah kkecek buwi nasihat, srumo keno denga mmolek tokleh lawe. Mace ado aura ala2 tok guru pondok gituh…. jadi ambo adik beradik menuro abah laa bekali jenih observant gitteww… hehe.

Observant abah ni dasat jugok laa bbena. Bilo abah maghi melawat tepak ambo blaja, sgalo struktur abah komen. Beam rendoh, tiae belok, seming lata lebih pasir, tile bodo…etc2. Tapi doh nok buak lagumano workmanship ky n integomb meme teruk srupo stadium teganu hok rutuh baruni, wahaha. Jadi jom ubah kerajaan! Lol tetiba saya cakak luar.

Hok beh pasal abah ni bilo kito bbual pasal bendo2 random, lawok jenako dio tok rajin takdok. Ado sokmo buoh dio nok melawok kkenak kokre, haha. Teringat ado skali haritu saing ambo, namo fikri osman denga abe dio farid maghi jjale drumoh ambo, abah tok begheti-gheti jinako. Denga tok guru ustaz2 pon abah belawok jugok. Kadae2 tu lepah ddenga di ssejid, soro abah hok kuat skali dok suko bbual denga ustak2 belae2 minum kopi denga jkk sejid.

Lepahtu abah ni 'man of resource' la jugok. Segalo susur galor anok branok, crito worih tok imae kapong, nnejar jar, jkk ore dacing, rumoh cikgu2 skoloh, srumo abah ingat. Abah penoh crito zamae dio kecik2 mulo abah beso naik ssikal nok sapa ttupak (baca: tumpat, kelantan) sbb nok igak etok. Pahtu tu tok silap ambo abah ado tunjok so tepak ttaro klate denga alik sie; abah tunjok ko sbokoh batu. Tepak dio gi cari buoh getoh pon ado. Budok2 loni tok main doh buoh getoh. Demo ni main fifa13 ps4 xbox doh loni.

Well, he obviously had that personal attachment towards pasir mas or kelantan as a whole as he told his pastime tales, of which, one could not acquire those but only by having sharing from the old folks. Blerghhh kecek omputis doh. Ni hok sebok dado ni bilo kkecek pasa kapong, ambo doh laa di perantauae huhu… Abah ambo dulu pom ngaji ssini jugok.. kalu kelih gamba abah maso mudo2 dulu meme perghh.. rambut afro body slim, haha kelasss gitu abah.

Ado skali tu maso skype, ambo royak laa hok ambo beli doh teket kelik summer tahun ni, hehe. Tahu abah reply gapo? abah royak, 'nok kelik kow tahun ni? toksoh kelik ahh gi jjale dulu…' Masa tu, sumpah muka aku mcm ni --> (-.-!). Abah crito maso dio mudo2 dulu elaun tok banyok so abah kkijo kutip buoh topoh (ko kijo gapo dio doh hau) sbb nok gi jjale. Abah backpacking europe sapa rusia… x tahu lah abah nnawok ko dok… haha.

Bilo tringat ko abah maso ambo kecik2 mulo, raso lucu pun ado. Maso mulo2 masuk tadika, abah hok sokmo mmandi ko ambo. Bilo taim smaye jemooh drumoh, abah panggey 'budok2… maghi smaye nih…!!!' pastu berungga-ungga la ambo adik beradik amik air smaye. Bilo taim abah lapar, abah tanyo 'umi, children eat what?' lepahtu umi pon jawab 'haihh padahal abah hok lapar perut… gi tanyo pulok anok2 nok make gapo….'

Rindunyooo abah…, huhu~ Pakak do'o blako la deh semugo abah ambo sihat walapiat selamak dunio akhirat.